ILOILO CITY – Ginkalipay ni Iloilo City Mayor Jerry Treñas ang pagtanom sang Iloilo tree sa Iloilo Provincial Capitol Grounds.
Sa interview sang Bombo Radyo kay Treñas, iya ginpahayag nga ang Iloilo tree ang nagaserbe nga simbolo sang Iloilo.
Suno kay Treñas, nagakadapat nga padamuon ang specie sang nasambit nga kahoy para sa mga ulihing-tubo.
Ginpahayag ni Treñas nga kun siya lang ang pahanugutan, luyag man niya nga magtanum sang nasambit nga kahoy sa ila balay.
Handum man sang alkalde nga makatanom sang 10,000 ka puno sang kahoy bilang sabat sa pagpahagan-hagan sang climate change.
Nahibalu-an nga kahapon nga adlaw, ginpatigayon ang ceremonial tree-planting sa Iloilo Provincial Capitol Grounds nga ginpangunahan sang Ilonggo nga si Sen. Franklin Drilon.
