Gin-athag ni Iloilo City Mayor Jerry Treñas nga nakarekober na ini matapos nagpaidalom sa procedure sa iya nga bile duct.
Sa exclusive interview sang Bombo Radyo kay Treñas, iya ginpahayag nga nagpaidalom ini sa Endoscopic retrograde cholangiopancreatography (ERCP) apang wala ini nagmadinalag-on.
Sa pihak sini, suno sa alkalde, may ginhimo man nga procedure sa iya bile duct.
Pahayag sang alkalde, sa subong, ginapreparahan niya ang pagpaidalom sa operasyon sa Nobyembre.
Suno sa alkalde, kabahin sang iya paghanda amo ang rehabilitasyon bangud nga nagniwang ini kag nadulaan sang gana sa pagkaon.
Nagpangabay man ini sang pangamuyo sa publiko para mangin madinalag-on ang iya operasyon.
