ILOILO CITY- Magahatag ang Iloilo City Government sang 1,000 nga doses sang bakuna para sa Probinsya sang Guimaras kada adlaw.
Sa interview sang Bombo Radyo kay Iloilo City Mayor Jerry Treñas, iya ginpahayag nga katuyuan sini nga makompleto sang syudad ang target nga 10,000 inoculation kada adlaw.
Suno sa alkalde, nabudlayan ang syudad nga malab-ot ini nga target ilabi na nga may mga pumuluyo sa syudad nga nagapili sang bakuna nga ila naluyagan.
Pahayag sang opisyal, magapakig-istorya siya sa Guimaras Provincial Government agud mahitso na ini.
Paathag niya nga kon madayon ini, kinahanglan nga magpadulong sa Iloilo City ang mga pumuluyo sang Guimaras nga magapabakuna.
