Natalana nga magpaggwa sang bag-o nga executive order si Iloilo City Mayor Jerry Treñas angot sa pagpalawig sang Modified Enhanced Community Quarantine (MECQ) status sa Iloilo City umpisa Septyembre 1 – 7, 2021.
Sa interview sang Bombo Radyo kay Mayor Treñas, iya ginpahayag nga posible mapahalugan ang pagsulundan sa syudad apang ipabilin sa gihapon ang pagpatuman sang border control bangud sa padayon nga pagtaas sang COVID-19 cases sa probinsya sang Iloilo.
Suno kay Treñas, magasapol man siya sa COVID-19 Team kag kuhaon man ang sentimyento sang mga negosyante sa syudad agud matumod kun ano ang mga bag-uhon sa pagsulundan sa tion nga palawigon ang MECQ status.
Bangud man sa nagadugang nga COVID-19 Delta variant cases sa syudad, mahimo nga ipabilin ang pila ka istrikto nga guidelines.
