ILOILO – Masulat si Iloilo City Mayor Jerry Treñas sa National Inter-Agency Task Force may kaangtanan sa angkas sa motorsiklo kag ang pagpahanugot sa mga senior citizens kag menor de edad nga makaguwa sa syudad sang Iloilo.
Sa interview sang Bombo Radyo kay Mayor Treñas, iya ginpahayag nga luyag niya nga maathagan kun bala sigurado na nga pahanugutan ang angkas sa motorsiklo apang kinahanglan lang nga may yara sang divider sa tunga sang driver kag backrider.
Samtang luyag naman sang alkalde nga pahanugutan nga makaguwa ang mga senior citizens kag menor de edad apisar nga may yara lang sang oras agud makahimo man ang mga ini sang ila nga aktibidad.
