ILOILO CITY – Suportado sang Iloilo City Government ang panindugan sang Malacañang natuhoy sa ginahimo nga harassment sang Chinese Coast Guard sa tropa sang gobyerno sa West Philippine Sea.
Nahibaluan ng sa pinakaulihi nga resupply mission sa BRP Sierra Madre, sa Ayungin Shoal sang Hunyo 17, pito ka soldado nga Pinoy ang napilasan kag isa ka katapo sang Philippine Navy ang nautdan sang tudlo sa agresibo nga tikang sang Chinese Coast Guard.
Sa interview sang Bombo Radyo kay Treñas, iya ginpahayag nga masunod lang ang Iloilo City Government sa panindugan sang mga matag-as nga opisyal sang pungsod.
Suno kay Treñas, makapila ka beses naman siya nga ginpangayuan sang kumento sang mga tinalikdan nga presidente sang Pilipinas.
Apang bangud wala man siya ginpangayuan sang panugyan ni Presidente Ferdinand Marcos, Jr., indi anay ini maghatag sang anuman nga kumento.
