ILOILO CITY- Ginpasalig ni Iloilo City Mayor Jerry Treñas nga may return on investment ang syudad sa gin-gasto sa ginpatigayon nga Lakbay- Aral sang mga barangay officials sa Bataan kag Olongapo sang damlag lang.
Sa interview sang Bombo Radyo kay Mayor Treñas, iya ginpahayag nga humalin sang una, may yara na sang mga travel nga ginahatag ang nagkalain-lain nga funding agency agud nga magbisita sa iban nga lugar.
Dugang pa niya, may balik gid ang ginpatigayon nga Lakbay Aral bangud nga dako nga butang ang mahatagan sang exposure ang mga barangay officials.
Ang pagpadulong sa iban nga lugar suno sa alkalde ang makabig pinaka-epektibo nga sahi sang edukasyon bangud nga personal nga makita kag maobserbahan sang mga barangay officials ang mga best practices sa iban nga lugar.
