Wala napunggan ni Iloilo City Mayor Jerry Treñas nga magpangakig sa atubang sang mga empleyado sang Iloilo City Hall kadungan sang flag raising ceremony.
Ginbuyayaw pa sang alkalde ang mga empleyado sang Iloilo City Engineers Office kag gintawag nga yawa bangud sa pagpadikta sa administrasyon ni anay Mayor Jose Espinosa III sang nakaligad nga eleksyon.
Suno kay Treñas, pinakamalala nga administrasyon ang pagpamuno ni Espinosa bangud linibo nga mga job hire ang nadulaan sang trabaho bangud sa pamulitika.
Ginpahayag sang alkalde nga wala sang tawo nga haslo kun wala sang may nagapahaslo.
Nagpaandam si Treñas sa tanan nga empleyado sang Iloilo City Hall nga iya tapungulon sa tion nga magpagamit sa pulitika.
Indi gid niya malipatan suno sa alkalde kun ano ang natabo sang nakaligad nga eleksyon samtang siya ang nagakabuhi.
