Nagalaum si Iloilo City Mayor Jerry Treñas nga magbuyloganay ang iya anak nga si Raisa Treñas-Chu kag si Vice Mayor-Elect Love love Baronda.
Sa interview sang Bombo Radyo kay Mayor Treñas, iya ginpahayag nga bilang isa ka bise-alkalde na si Baronda, tion na agud nga mag-reconcile sa ngalan sang serbisyo.
Suno kay Treñas, kinahanglan nga maglab-otanay ang duha ka kamot agud nga maka-extend sang bulig sa isa kag isa.
Gin-athag man sini nga kon indi man magbaton ang kampo sang Baronda sa ginlaragway sini nga ‘friendship’ padayunon sa gihapon nila ang pag-alagad sa pumuluyo.
Dugang sang alkalde nga indi man mapilit kon indi pa handa ang ila kampo para sa tinutuyo sini.
