ILOILO CITY – Nagalaum si Iloilo City Mayor Jerry Treñas nga mas mangin maayo ang pagpatigayon sang Dinagyang Festival 2020 sa idalom sang pagdumala sang Iloilo Festival Foundation Inc., nga anay Iloilo City Festival Foundation Inc.
Ini ang kasunod sang ginpatigayon nga pagsinapol sang Board of Trustees sang Iloilo Festival Foundation Inc.
Sa interview sang Bombo Radyo kay Treñas, iya ginpahayag nga katuyu-an sang Iloilo Festival Foundation Inc. nga mapalapnag sa Western Visayas ang festival affairs sang syudad sang Iloilo.
Sa bulig sang Iloilo Festival Foundation Inc., mas mabatyagan sang mga Ilonggo kag mga dumulu-ong kun ano ka manggaranon ang cultural merrymaking sa syudad.
