Nagapati si Mayor Jerry Treñas nga may bug-at nga balasehan ang House of Representatives kag Senado agud nga i-impeach si Vice President Sara Duterte.
Sa interview sang Bombo Radyo kay Treñas, iya ginpahayag nga bilang isa ka abogado, kon may nakita nga grounds ang Senado kag Kamara, mangin palaagyan ini agud matigayon ang impeachment complaint.
Suno kay Treñas, kon hinali nga magapatawag sang mando si President Ferdinand Marcos Jr., base sa mandate man sang konstituyson, mahimo nga sundon gid ini sang Kamara kag Senado.
Para sa alkalde, kinahanglan nga makalatag sang mga ebidensya si VP Duterte agud nga madepensa sini ang iya kaugalingon kon wala gidman siya sang kapaltahan sa akusasyon nga ginabato sa iya.
Ginalantaw man sini nga kon magpatawag si Marcos sang special session agud mag-aprubar sang isa ka bill nga nagatumod sa impeachment ni Duterte, mahimo nga matigayon gid ang amo nga tikang.
