Nagpaguwa sang Executive Order 167 si Iloilo City Mayor Jerry Treñas nga nagadumili sa political colors nga posible magamit sa Dinagyang Festival 2025.
Sa interview sang Bombo Radyo kay Joy Fantilaga, spokesperson ni Mayor Treñas, iya ginpahayag nga ang order ang nagapasigurado nga wala sang political tarpauline nga naka-display malapit sa judging areas.
Ini agud nga mapasiguro man indi mahatagan sang duag sang politika ang religious activity.
Tinutuyo man sang mando nga mapabilin ang Dinagyang Festival sa iya essence.
Suno kay Fantilaga, nakasaad man sa order ang pagdumili sa any political slogans kag propaganda nga naga-promote sa isa ka pulitiko.
Santo naman sa paragraph A, B, C, and D section 1, ginabawal ang mga election materials kaangay sang printed kag visual materials nga may itsura kag pangalan sang mga kandidato.
