Wala direkta nga ginsabat ni Iloilo City Mayor Jerry Treñas ang sitwasyon sang ila relasyon ukon pag-abyanay subong ni former Iloilo City Mayor Jed Patrick Mabilog.
Sa interview sang Bombo Radyo kay Mayor Treñas, iya ginpahayag nga sa subong, indi sini masabat kon ano ang status sang ila ‘frienship’ ni Mabilog, apang makasabat ini para sa iya nga kaugalingon.
Suno kay Treñas, gin-abi-abi sang maayo ang anay alkalde sang ini ang nagpadulong sa Iloilo City Hall kadungan man sang iya nga kaadlawan.
Ginsaysay man sang natungdan nga gin-utat ang tanan nga transaksyon sa city hall sa amo nga tion agud mahatagan sang pag-abi-abi si Mabilog.
Gintumod man sini nga mas naka-focus siya sa iya pagpapaayo subong.
