Nagpanawagan si Iloilo City Mayor Jerry Treñas sa central office sang Department of Foreign Affairs (DFA) nga hatagan sang igtalupangod kag nagakaigo nga pagtamod ang tuman kahinay nga appointment kag transaction process sa pagkuha sang passport sa ila regional office sa syudad sang Iloilo.
Una na nga ginrekomendar sang alkalde sa nasambit nga ahensya nga kuntani magdugang sang personnel nga in-charge sa pagproseso sang appointments.
Sa interview sang Bombo Radyo kay Mayor Treñas, iya ginpahayag nga ginpatawag na niya ang mga katapo sang regional office sang DFA nga mag-report sa iya opisina kag magpaathag kaangot sa tuman kahinay nga serbisyo.
Suno sa alkalde, makaluluoy man ang mga Ilonggo Overseas Filipino Workers (OFW) nga indi makabalik sa luwas sang pungsod bangud indi sila makadali-dali sa paggawad kag pagpa-renew sang passport.
