Nagpanindugan si Iloilo City Mayor Jerry Treñas nga siya ang nagsunod sa kon ano ang hinambalan sa ila nga pagsinapol ni House Speaker Martin Romualdez.
Ini kasunod man sang ginduso ni Romualdez nga unity sa syudad para sa 2025 midterm elections.
Sa interview sang Bombo Radyo kay Mayor Treñas, iya ginpahayag nga ginsunod sang ila nga kampo ang makig-isa sa team Gugma ni Iloilo City Lone District Representative Julienne “Jam-Jam” Baronda.
Suno kay Treñas, ang pagsunod sa agreement ang nagapakita sa kon paano ang isa ka leder nga magdumala sa iya nga nasakopan.
Ginlaragway man sini nga sang nagmando si Speaker Romualdez, gilayon ini nga nag-agree kag wala na sang damo pa nga ginhambal.
Gintumod man sang alcalde nga siya klase tawo ang may hinambalan.
