Nagpasalamat si Iloilo City Mayor Raisa Treñas sa nangin mensahe ni President Ferdinand “Bongbong” Marcos Jr. sa iya State of the Nation Address kahapon nga adlaw.
Ini bangud ginpabutyag sang presidente ang iya dako nga pagsalig kag kumpiyansa sa mga local government units.
Suno kay Joy Fantilana-Gorzal, Spokesperson ni Mayor Treñas, nagapakita ini nga ginakakilala gid sang national government ang importante nga papel sang mga LGU ilabi na sa mga krisis kag sa paghatag sang serbisyo nga direkta nga mabatyagan kag nagalab-ot sa pumuluyo.
Ginpakigbahin man niya nga ginkalipay man mismo sang alkalde ang pagmensyonar ni Marcos sang Iloilo nga isa sa mga pilot beneficiaries sang Oplan Kontra Baha pinaagi sa Department of Labor and Employment-Tulong Panghanapbuhay sa Ating Disadvantaged/Displaced Workers ukon DOLE-TUPAD.
Dugang man ni Gorzal, handa kag padayun nga magabulig ang siudad sa national government ilabi na sa oplan kontra baha kag iban pa nga mga programa agud mapasangkad ang flood control projects nga makabulig gid sa publiko.
![Pinterest](https://pinterest.com/pin/create/button/?url=https://iloilo.bomboradyo.com/mayor-trenas-nagpasalamat-sa-pagsalig-ni-pbbm-sa-mga-lgu/&media=https://img.bomboradyo.com/iloilo/2026/07/RAISA-AND-MARCOS.webp&description=Nagpasalamat si Iloilo City Mayor Raisa Treñas sa nangin mensahe ni President Ferdinand "Bongbong" Marcos Jr. sa iya State of the Nation Address kahapon nga adlaw.){kind=link}