Nagapasalamat si Mayor Raisa Treñas sa nangin pahanumdom sang Iloilo Provincial Capitol sa mga empleyado sang Kapitolyo may kaangtanan sa social media posts.
Kasunod man ini sang nangin mainit nga mga tinaga ni Iloilo Provincial Public Information and Community Affairs Office (PICAO) Head Nereo Lujan sa Iloilo City Government nga nag-ugat sa tinutuyo kuntani sang siudad nga pagtrain sang mga civilian drivers sa pagmaneho sang police patrol car.
Suno kay Treñas, indi niya maintindihan kun sa diin nagahalin ang kaugot ni Lujan sa siudad, apisar sang madamo nga maayo nga komento nga nabatun sang Iloilo City bangud sa katahum sini.
Pagklaro pa sang alkalde, wla man sya sang personal nga isyu sa PICAO head ilabi na nga wala man niya ini personal nga nakaupod sa trabaho.
Dugang pa niya, matawag nga ‘blinded’ sa katahum sang siudad si Lujan bangud sa mga negatibo sini nga komento sa siudad sang Iloilo.
Nahibaluan nga kahapon nga adlaw, ginklaro ni PICAO Head Nereo Lujan nga indi ang siudad ang iya gina-criticize, kun indi ang mga desisyon, polisa, kag aktwasyon sang mga opisyal sang Iloilo City Government.
