ILOILO CITY- Nagpasalig si Iloilo City Mayor Jerry Treñas nga magahatag ini sang bulig sa probinsya sang Capiz nga ginlaslasan man sang bagyo Agaton.
Sa interview sang Bombo Radyo kay Mayor Treñas, iya ginpahayag nga ginapatipon na niya ang mga nagakaigo nga data ilabi na ang mga munisipyo nga tuman nga naapektuhan.
Apang suno sa alkalde, mahimo nga matigayon ang pagbulig pagkatapos na sang eleksyon bangud man sa ginapatuman nga election spending ban.
Nahibaluan nga 11 ka mga tawo ang narecord nga patay sa Capiz bangud kay Agaton.
