𝗜𝗟𝗢𝗜𝗟𝗢 𝗖𝗜𝗧𝗬 — Pabor si Iloilo City Mayor Jerry Treñas sa Transport Modernization Program (TMP) sa pungsod, apang kon tuyo nga pauntaton sang gobyerno, magasunod ini.
Ini kasunod man sang ginpahayag ni Senate Presidente Francis “Chiz” Escudero kag Senator Raffy Tulfo nga suspendihon ang pagpatuman sang modernisasyon sang transportasyon.
Sa interview sang Bombo Radyo kay Mayor Treñas, iya ginpahayag nga may yara gidman sang mga ginapangatubang nga problema ang mga operators sang modernized jeepney, kaangay na lamang sang indi nila masarangan nga magbakal sang mahal nga sahi sang modern nga jeep.
Suno kay Treñas, tuman na ka tigulang ang mga tradisyonal nga jeep, kon sa diin, may mga pila diri ang nagapaguwa sang indi na malimpyo nga aso gikan sa ila nga tambutso, nga possible makatuga sang halit sa palibot kag sa mga tawo.
Ginpahayag man sini nga kinahanglan nga resolbahon anay ang mga ginapangatubang nga issues sang mga kooperatiba, apang wala na ini sang may mahimo kon ang mandu sang national ang pauntaton ang modernization program.
Gintumod man sini nga may mga naga-eksister naman electric nga vehicles nga possible man makabulig bilang tranportasyon sang mga commuters.
Ginalantaw man sang alkalde nga mas makapamaayo sa mga drivers kag operators kon mas barato ang ila mabakal nga modernized jeepney.
Gin-athag man sang natungdan nga magasunod ang syudad sa kon ano ang mangin desisyon sang national sa Transport Modernization Program.
