Nagmando si Mayor Raisa Treñas nga pagatutukan sang Public Order and Safety Management Office (POSMO), kaupod ang Task Force BADJAO kag City Social Welfare and Development Office (CSWDO) ang mga naga-baligya kag naga-panghalit sang mga salakyan sa mga stoplight sa syudad ilabi na sa Diversion Road, Madurriao, Iloilo City.
Sa interview sang Bombo Radyo kay Joy Fantilaga-Goprzal, spokesperson ni Mayor Raisa Treñas, iya ginpahayag nga nagmando ang alkalde nga i-identify ang mga kabataan kag kag kun sa diin ang mga ini nagapuyo agud mahatagan sang nagakaigo nga interbensyon.
Ini kasunod sang reklamo nga ginreport matapos gin-kuritan sang isa ka menor de edad ang salakyan sang isa ka motorista bangud wala ini nagbakal sa iya ginabaligya.
Suno sa reklamo, nagamit ang bata sang tanzan sa pagkurit sa salakyan.
May iban man nga ginreport nga naga-baligya sa tunga sang dalan, nga ginakabig delikado bangud posible ini makaluntad sa disgrasya kun sa diin kalabanan sa ila amo ang mga menor de edad nga nagapang-ayo-ayo.
Gintap man sang syudad ang nagkalain-lain nga ahensya lakip ang POSMO kag Task Force BADJAO agud mag-deploy sang personnel sa lugar kun sa diin masami ini nagaktabo.
Sang nagligad nga adlaw may ara sang na-rescue ang CSWDO nga mga kabataan nga anom ka mga menor de eded kag ginturn-over naman ini sa tagsa nila ka mga barangay.
