Desidido ang Iloilo City Government nga tapuson na lang ang pag-rehabilitate sang Mandurriao Public Market.
Sa interview sang Bombo Radyo kay Mayor Jerry Treñas nga nakalab-ot sa iya igtalupangod nga posible nga wala na sang budget ang Iloilo City District Engineering Office para sa proyekto.
Suno sa alkalde, istoryahon niya ang Department of Public Works and Highways tuhoy diri.
Pahayag niya, kun makumpirma nga wala na gid man sang budget, hingyuon nalang niya sa ahensya nga i-turn-over ang proyekto sa syudad agud mapangitaan sang pondo kag makompleto na ang pagpakay-o sang amo nga merkado.
