ILOILO CITY – Ginatun-an na sang Iloilo City Government kun paano amat-amaton ang pagdula sang Expanded Enhanced Community Quarantine sa syudad sang Iloilo.
Sa interview sang ombo Radyo kay Iloilo City Mayor Jerry Treñas, iya ginpahayag nga kun siya lang ang pamangkuton, luyag na niya nga ipauntat ang pagpatuman sang lockdown sa Mayo 1.
Suno kay Treñas, samtang nagalawig ang lockdown, tuman man ang pag-antos sang tanan ilabi na ang mga nadulaan sang trabaho.
Ang pagdula sang Expanded Enhanced Community Quarantine ang nakadepende sa record sang kumpirmado nga kaso sang Coronavirus Disease 2019 (COVID-19) kag iban pa nga factor may kaangtanan sa COVID-19 response.
Apisar nga gindula na ang lockdown, kinahanglan sa gihapon nga magsuksok sang facemask kag indi anay pagpahanugutan ang pagpatigayon sang mass gathering.
