Ginkumpirma ni Iloilo City Mayor Jerry Treñas nga maga-updanay liwat ang iya Team Uswag kag Team Gugma ni Iloilo City Lone District Representative Julienne ‘Jamjam’ Baronda.
Sa ginpagwa nga official statement sang alkalde, iya ginpahayag nga bilang kabahin sang pag-isa kag kaayuhan sang syudad sang Iloilo, maga-updanay sa May 2025 midterm elections ang iya anak nga si Raisa Treñas-Chu kag si Baronda.
Si Baronda ang magapadayon sa iya termino bilang kongresista, samtang si Raisa naman ang mapadalagan bilang alkalde.
“In the spirit of unity, we are joining forces with Cong. Jam Baronda as Representative of the Lone District, and my daughter Raisa for Mayor. I have always believed there is nothing we cannot do if we do it together. We can accomplish so much if we are united and think as one Ilonggo family for the good of our future generations.”
Apisar luyag pa sini kuntani nga tapuson ang iya isa pa ka termino, apang ginpakamaayo ni Treñas nga magpa-iway kag itugyan sa iya anak ang masunod nga eleksyon.
“It has been my greatest honor to serve as your City Mayor. While it has been my intention to finish my term, I believe it is in the best interest of Team Uswag and the city for me to stand down and to focus on fulfilling my duties as City Mayor for the remainder of my term.”
Ginkumpirma man sang alkalde ang iya pagpaidalom sa bile duct operation sa diin nagpangabay ini sang pangamuyo sa publiko.
“Padayon ako nga nagapa-ayo gikan sa bile duct operation. Please continue to include me in your prayers.”
Ginpasalamatan man ni Treñas ang tanan nga nagsupporta sa iya sang nagbalik ini bilang alkalde sang 2019.
“Salamat gid sa inyo tanan, sa pagsalig kag pag-suporta halin sang nagbalik kita bilang alkalde sang 2019. Palangga ko guid kamo.”
Matandaan nga mismo si Treñas ang una nga nagkumpirma sadto sa iya pagbulag kay Baronda kadungan sang pag-endorso kay Raisa sa pagpadalagan kuntani bilang kongresista.
