SAN ENRIQUE, ILOILO– Gin-athag ni San Enrique, Iloilo Mayor Trixie Fernandez nga yara pa sa Metro Manila kag wala nakapauli ang iya kasimanwa nga nagpositibo sa Coronavirus Disease 2019 (COVID-19).
Sa interview sang Bombo Radyo kay Fernandez, iya ginpahayag nga ang nasambit nga persona ang yara na sa kustodiya sang Department of Health kag sang Overseas Workers Welfare Administration.
Suno kay Fernandez, ang iya kasimanwa nga isa ka Overseas Filipino Worker ang kaupod sa batch sang mga magapauli kuntani sang damlag lang apang wala nadayon.
Ginpahayag ni Fernandez nga santo sa impormasyon nga nakalab-ot sa iya, nagatrabaho sa isa ka cruise ship ang pasyente kag asymptomatic.
