Iloilo – Gina-engganyo ni Mayor Trixie Fernandex ang Philippine National Police nga mahimo magdugang sang mga babayi nga pulis bangud sa kapasidad sang mga ini.
Sa interview sang Bombo Radyo kay Mayor Fernandez, League of Municipalities-Iloilo President, iya ginpahayag nga mas nagapangibabaw ang mga kalalakinhan nga pulis gani, nagakadapat nga hatagan sang kaangay man nga pagtratar ang mga babayi nga pulis.
Suno kay Fernandez, napamatud-an sang mga kababainhan ang paminatasan sini bilang mapag-on kag mabinungahon.
Kaangot diri, ginpahayag dugang sang natungdan nga ang unique skillset sang mga policewomen kaangay sang advanced problem solving skill kag social skills ang tuman ka importante sa pag-atubang sang mga tawo.
Para kay Fernandez, may kumpyansa ini kun ang mga policewomen ang nagapartisipar sa peace keeping bangud sa panigurado nga “safe” ini.
Nahibaluan nga subong nga Marso ginaselebrar ang National Women’s month.
