Walo gid ka opisyal sang Urdaneta City, Pangasinan ang ginkakas sa pwesto sang Office of the Ombudsman.
Lakip na diri ang ila City Mayor, Vice Mayor, kag anum ka konsehal.
Kasunod ini sang ginapahayag wala nila ginsunod nga notice of suspension nga gin-isyu sa ila matapos nakit-an nga administratively liable ang mga ini sa grave misconduct kag gross neglect of duty.
Magluwas diri, ginbalabagan man sang ginkakas na nga mga opisyal ang pagpungko tani sang mga temporary officials sa pwesto sang tion nga suspended ang mga ini sa ila katungdanan.
Bangud sa dismissal, indi na sila makapadalagan ukon makapungko sa kun ano man nga pwesto sa gobyerno, indi man makuha sang civil service examinations, kag forfeited na ang ila retirement benefits.
