Mayor Villa, gin-athag nga wala sang total lockdown sa munisipyo sang Badiangan

Gin-athag ni Mayor Serafin Villa sang Badiangan, Iloilo nga wala sang total lockdown sa municipal hall sang banwa.

Sa interview sang Bombo Radyo kay Mayor Villa, iya ginpahayag nga may yara sang nagpositibo sa COVID-19 sa bahin sang disbursing office sang Municipal Treasurer’s Office.

Gilayon man nga gin-abisohan ang mga close contacts nga indi anay mag-report sa trabaho samtang ginamonitor sang health officer.

Apang suno sa alkalde, ginpaidalom man sa reverse transcription polymerase chain reaction (RT-PCR) test ang mga close contacts kag may yara sang nagguwa nga positibo sa COVID-19.

Pahayag niya, sa kada may magpositibo sa virus, gilayon nga ginatumod ang mga close contacts agud nga mapunggan ang paglapta sang virus.