Iloilo – Wala nagpabor ang Ilonggo lawmaker nga si Kabataan Partylist Representative Raoul Manuel sa resolution nga naga-amyendar sang 1987 Philippine Constitution.
Ang resolution ang aprubado na sang House constitutional amendments committee.
Sa interview sang Bombo Radyo kay Representative Manuel, iya ginpahayag nga mas madamo pa sang pwede matutukan kag mahatagan sang solusyon magluwas sa pag-amyendar sang konstitusyon kaangay sang pagdugang sang mga trabaho kag pagpataas sang sweldo.
Suno kay Manuel, obrahon sini ang tanan nga paagi agud indi madayon ang pagpasa sang hagna bangud sa posible nga mangin risgo sini kaangay sa pagpalawig sang termino sang presidente.
Nahibaluan nga 17 ka mga kongresista ang nagpabor lakip na sanday Iloilo City Lone District Representative kag Deputy Majority Leader Julienne Baronda, Iloilo 1st District Representative kag Deputy Majority Leader Janette Garin, kag Iloilo 3rd District Representative kag Constitutional amendments committee vice chair Lorenz Defensor.
Ang duha pa ka mga kongresista nga wala nagpabor amo sanday Deputy Minority Leader France Castro sang ACT Teachers, kag Assistant Minority Leader Arlene Brosas sang Gabriela.
Nag-abstain naman si Northern Samar 1st District Representative Raul A. Daza.
Matandaan nga ang pag-apruba sang hagna nga naga-uyat sang constitutional convention ang ginapanan-aw nga mangin pinaka transparent, exhaustive, democratic kag least divisive means sa pagpatuman sang constitutional reforms.
