Nagapawagan ang Mayors for Good Governance kay President Ferdinand Marcos Jr., nga pangalanan na ang mga pulitiko kag kontratista sa likod sang mga palpak nga proyekto sa imprastruktura, ilabi na sa flood control.
Sa ila pahayag sang Sabado, ginsiling sa grupo nga ginalakipan nanday Mayor Benjamin Magalong (Baguio), Mayor Vico Sotto (Pasig), Mayor Joy Belmonte (Quezon City), kag Mayor Sitti Hataman (Isabela City) nga madugay nga may anomaliya sa sini nga proyekto kag kinahanglan na pasabton ang may kaangtanan.
Ginhingyo nila sa Department of Public Works and Highways (DPWH) kag iban pa nga ahensya nga ipagguwa ang mga dolumento kag pangalan sang mga pulitiko kag kontratista nga nakaganar sang kapin P100 billion nga pondo nga nagkadto lamang sa 15 ka mga contractors halin sang 2022 tubtob 2025.
Nag-ugat ang panawagan sa pagkabalaka ni Pres. Marcos sa kalidad sang mga proyekto, kaangay nalang sang nagguba nga flood barrier sa Calumpit, Bulacan, kun sa diin ginkadismaya gid niya ini.
Samtang, ginpahayag naman ni Mayor Magalong nga handa siya nga mag-volunteer nga mangin kabahin sang independent body.
