Ginkumpirma na sang aktor nga si McCoy de Leon nga matuod ang rumor nga bulagay na sila sang iya partner nga si Elisse Joson.
Kadungan sang kumpirmasyon, ginpanginwala man sini nga may third party nga amo ang nagaguwa nga naguba sa ila nga relasyon.
Gin-deny man sang aktor nga siya ang tawo sa isa ka sweet conversation kaupod sa isa ka influencer nga ginpyestahan sang publiko.
Pahayag ni Mccoy, nag-give up siya kay Elisse bangud indi na niya masarangan ang problema, apang wala man sini gin-detalye kun ano ang iya nga buot silingon.
Nagpangayo man ini sang pasensya sa tanan.
Antes sang kumpirmasyon, may una na nga mensahe ang aktor sa ila anak ni Elisse nga si Felize McKenzie.
Wala pa man sang nangin sabat halin sa kampo sang aktres. ##
