Nagmandu ang Department of Agriculture (DA) sang temporary ban sa pagpasulod sang buhi nga baka, karne, kag iban pa nga meat products halin sa United Kingdom kasunod sang kaso sang Mad Cow Disease sa Scotland nga na-rekord sang Mayo.
Sa idalom sang Memorandum Order 20, nakasaad nga covered man sang ban ang bovine processed animal proteins kag cattle semen halin sa UK.
Mayo 10 sang napagkit ang classical strain C-type Bovine Spongiform Encephalopathy (BSE) sa South Ayrshire sa Scotland kag ginkumpirma man sa report sang World Organization for Animal Health-World Animal Health Information System.
Suno sa DA, paagi ini sang gobyerno agud nga proteksyunan ang local livestock industry sa Pilipinas nga importante sa ekonomiya sang Pilipinas.
Pahayag pa sang ahensya, ang BSE ukon Mad Cow Disease, ang mahimo makatuga sang makamamatay nga nerve damage sa mga baka kag ang pagsulod sini sa Pilipinas ang mahimo gilayon makapalapta sang balatian sa iban nga mga sapat kag maka-kompromiso sa food safety.
Mahimo man ini magresulta sa Creutzfeldt-Jakob disease sa mga tawo.
