𝗣𝗔𝗥𝗜𝗦, 𝗙𝗥𝗔𝗡𝗖𝗘 — Magasugod na buwas nga adlaw ang pila ka mga Olympic games apisar nga wala pa opisyal nga nakasugod ang opening ceremony sang Paris Olympics sa July 26, 2024.
Sa interview sang Bombo Radyo kay Bombo Hexyl Chelly Camposano Panes, Bombo International Correspondent sa Paris France, iya ginpahayag nga may yara sang 45,000 ka mga volunteers ang magpartsipar sa Paris Olympics 2024.
Suno kay Panes, antes mangin kwalipikado nga volunteer, kinahanglan anay nga mag-apply, kag magadependi sa pag-background check kon sa diin nga play ibutang ang isa ka volunteer.
Ginpahayag man sini nga tubtob subong, ang mga napilian nga volunteers ang wala pa nakahibalo kon diin sila iga-deploy nga hinampang.
Ginadumilian naman sang Summer Olympic Games ang mga volunteer nga mag-post ukon magkuha sang litrato samtang yara sila nga nagabantay sa isa ka play.
Ginakabig naman nga ini ang pinakamagamay nga nagasto sang Olympics bangud naglab-ot lamang sa 10 billion euros ang nagasto bangud man sa kompleto nga mga pasilidad sang France.
Nahibaluan nga magapadulong sa pungsod ang kapin 10,000 ka mga athletes, kon sa din, ang mangin madinalag-on ang magabaton sang medalya nga gintunaw halin sa metal nga parte sang makasaysayan nga Eiffel Tower.
