Indi na mangin kabahin sang defense team ni former president Rodrigo Duterte sa iya kaso sa International Criminal Court (ICC) sanday former executive secretary Salvador Medialdea kag former presidential spokesperson Harry Roque.
Ini base sa pahayag ni Vice President Sara Duterte kasunod sang iya pagbisita sa iya amay sa ICC detention facility.
Suno kay VP Sara, ang legal team ang pangunahan ni Atty. Nicholas Kaufman kag may iban pa nga abogado siya nga istoryahon.
May yara man sang maabot nga isa ka abogado nga iya ipaidalom anay sa interview para mag-upod sa team.
Suno sa bise presidente,sa tion nga mahuman na ang team para sa ICC, maga-withdraw si Atty. Medialdea bangud may yara lang sang limited nga mga slots para sa mga abogado kag luyag nila nga may eksperyensya sa ICC ang tanan nga magabug-os sang legal team.
S Medialdea ang nag-atubang sa ICC Pre-Trial chamber sang naghimo sang iya una nga appearance via videolink si former president Duterte sang Marso 14.
Sang nagligad nga semana, ginsiling ni Sara nga ang British-Israeli lawyer nga si Kaufman ang mangin lead counsel kauposd sanday Roque kag Medialdea bilang supporting lawyers.
Sang Lunes, gin-anunsyo ni Roque, ang iya plano nga mag- apply para sa asylum sa Netherlands, apang wala ini na-nominate nga mangin parte sang defense team as well.
Suno kay VP Sara, wala pa na-establish kun ano ang basehan sang pagtinir ni Roque sa Netherlands kag indi niya luyag sang komplikado nga sitwasyon.
Sa bahin naman ni Kaufman, siya ang officially appointed bilang lead counsel sang Marso 17 kag nabisitahan naman niya si former President Duterte sa detention.
Suno kay Kaufman, dako ang pagsalig niya nga may mapag-on nga depensa si Duterte kalakip na ang kwestiyonable nga pag- aresto sa iya.
Dugang ni Kaufman, may isa ka semana sila agud mahuman ang ila defense team.
