Ginalantaw nga magasugod liwat subong nga semana ang negosasyon sa tunga sang Israel kag Hamas nga hilwayon ang nabilin nga mga Israeli hostages sa Gaza Strip.
Ini matapos nagkit-anay ang head sang Mossad intelligence agency kag ang head sang Central Intelligence Agency (CIA) amo man ang prime minister sang Qatar nga amo masami ang mediator ukon ang nagapatunga sa sini nga kumplikto.
Suno sa sources, sa katapusan sang meeting, nadesisyunan nga mangin bukas ang negosasyon sa bag-o nga proposals kag pagpamunuan sang amo gihapon nga mediators nga amo ang Egypt kag Qatar.
Lauman man nga may yara sang active involvement ang Estados Unidos sang Amerika.
Una na nga nagpanindugan ang Israel nga indi sini mabaton ang demand sang Hamas nga untaton na ang gyera samtang gusto naman sang Palestine nga pagguwaon sang Israel ang Palestinian prisoners.
