ILOILO CITY–Duha ka patal nga igo ang ginkamatay sang 16 anyos nga dalagita nga ginluthang-patay sang iya stepfather sa Brgy. Buntalan, Maasin, Iloilo.
Sa interview sang Bombo Radyo kay Dr. Owen Lebaquin, medico legal officer sang Police Regional Office (PRO) 6, iya ginpahayag nga may igo sa ulo, dughan kag kamot ang biktima nga si Allejah Faye Malificiar Aglibot.
Santo sa resulta sang medical examination, wala sang tattooing sa lawas sang biktima nga nagapatimaan nga masobra sa 3 ka tapak ang distansya sang suspetsado sa pagluthang.
Halin sa ibabaw ang trajectory sang pilas sa ulo sang biktima samtang sa atubang naman ang trajectory ang sa dughan.
Sa duha ka patal nga pilas sa sulo kag sa dughan suno kay Lebaquin, indi na matabangan pa ang dalagita.
Kumpirmado naman suno kay Lebaquin nga bala sang 45 caliber pistol ang naga-igo sa dalagita.
Samtang, ginpahayag ni Lebaquin nga positibo nga gintandog ang dalagita.
Ini bangud nga sa pagpaathag ni Dr. Lebaquin, indi na ulay ang biktima bangud nga santo sa resulta sang medcal examination sa bangkay, nagaguwa nga tama ka relax ang hymen kag napali na ang lascerated wound sa kinatawo sang biktima.
Mahimo man suno kay Lebaquin nga masami ang pagpakighilawas sang dalagita apang indi lang matumod suno sa doktor kun si sin-o ang sexual partner sang biktima.