ILOILO CITY – Laoman nga makigsapol ang mga hospital officials subong nga adlaw sa diin na confined si Vicente Itik Espinosa.
Ini matapos nga nadakpan sang mga kapulisan ang mga manugbantay ni Espinosa nga may dala nga mga makahulubog nga ilimnon sa sulod sang hulot.
Sa interview sang Bombo Radyo kay Pol Lt Jobert Amado, officer in charge sang Cabatuan Municipal Police Station, iya ginpahayag nga mahimo subong nga adlaw makapaguwa naman sang medical report ang hospital agud nga mahibaluan ang medical status ni Espinosa.
Suno kay Amado, ipaidalom man sa medical check up sa isa ka government doctor si Espinosa agud masiguro nga insakto ang nasaad sa medical report niya.
Nahibaluan nga nagtuyo ang care taker kag therapist ni Espinosa sa pagpasulod sang canned beers nga nakasulod sa plastic sang chicheria, ginstapler kag ginscatch tape pa.
