Siling nila, bisan ano mo pa ka-paborito ang isa ka music, kun himuon mo ini nga alarm, maabot gid ang tion nga manginit ka sa sini nga musika bangud indi mo pa gusto magbugtaw.
Ano na lang ayhan kun tawo pa gid ang himuon nga alarm… ano ayhan ang kainit mo kun oras oras ka nalang ginapukaw?
Sa Xinyang, China, isa ka lalaki ang anum ka tuig na nga ginhimo nga palangabuhian ang pagpukaw sa mga tawo paagi sa pag-text kag pagtawag sa ila.
Online supervisor ang tawag sang mga tawo kay Xiao Zhu kag sa sulod sa sining anum ka tuig, nabuligan niya ang iya mga kliyente nga malikawan ang paglaminday.
20,000 na ang nangin kliyente ni Xiao halin sang gin-umpisahan niya ang amo nga trabaho.
15 ka oras kada adlaw ang iya ginagasto para sa pagtext kag pag-call agud maremind ang mga tawo sa ila ulubrahon.
Wala man ginsapubliko kun pila ang sweldo ni Xiao Zhu apang ginapahayag nga daku ang iya kita bangud amo lang ini lang ang iya nagaisahanon nga trabaho sa sulod sang anum ka tuig.
