Meeting sang komitiba nga nagatutok sa gintambak nga gabyon sang Chinese Businessman sa Dungon Creek ginpostpone

ILOILO CITY — Wala madayon ang meeting nga gin set subong nga adlaw sang komitiba nga nagatutok sa pagpakuha sang gabyon nga gintambak sang Chinese Businessman sa Dungon Creek.
Sa interview sang Bombo Radyo kay Atty. Hernando galvez, City Administrator, ginpahayag sini nga indi available ang iban nga katapo sang komitiba gani ginkinahanglan nga i-reset ang pagsinapol.
Kaina sang aga, gin-instructionan na sang City Administrator ang katapo sang City Environment and Natural Resources Office (CENRO) nga magpatigayon sang inspection sa Dungon Creek kag kuhaon ang mga pangalan sang mga naga obra sa site.
Suno kay Atty. Galvez, kinahanglanon ini sa masunod nga meeting para buwas kag para man sa legal nga tikang nga ila pagahimu-on.