ILOILO CITY – Gin-ako sang veteran singer-actress nga si Sharon Cuneta nga nahidlaw na siya sa iya anak nga si KC Concepcion ilabi na ang relasyon niya diri sang bata pa lamang ini.
Suno sa mega star, madamo siya sang traits nga kaangay gid sa iya anak apang lain ang paminatasan gani, indi gid malikawan nga magkontrahanay.
Gin-ako man niya nga sang una, ginpunggan niya si KC nga magsulod sa showbiz ilabi na sang nagbulaganay sila ni Gabby Concepcion apang ginpasugtan niya ini sang handa na ang iya anak.
Pahayag pa niya, may mga tion nga indi maayo ang iya relasyon kay KC apang suno sa iya, normal lamang ini sa mga pamilya.
Apisar sini, nagalaum si Sharon nga magapabilin nga close ini sa iya anak kag ginahandum ang success para diri.
