ILOILO CITY – May yara sang lima ka biktima sang meningococcemia sa syudad sang Iloilo.
Sa interview sang Bombo Radyo kay Dr. Jessie Glenn Alonsabe, pinuno sang Regional Epidemiology and Surveillance Unit sang Department of Health Center for Health Development 6, iya ginpahayag nga ang meningococcemia ang isa ka sahi sang rare bloodstream infection nga tuga sang bacteria nga Neisseria meningitides.
Masami mga kabataan nga wala na immunize kag malnourish ang ginadapuan sang meningococcemia.
Suno kay Alonsabe, ang ini nga balatian ang makalalaton.
Mahimo malatnan pinaagi sang pagpangatsi, pag-ubo, direct contact ukon paggamit sang mga pagkabutang nga nakaptan ukon gingamit mismo sang tawo nga may nasambit nga balatian.
Pahayag pa niya, ang mga sintomas sang meningococcemia amo ang pag-angkon sang hilanat, sakit sang ulo, rashes, stiff neck, nausea, pagsuka, pag-ubo, irritability, fatigue, convulsions kag anxiety.
Apang malikawan man ang pag-angkon sang nasambit nga balatian pinaagi sang proper kag healthy hygiene.
Isa man sa mga pamaagi agud malikawan ini amo ang masami nga paghugas sang kamot kag pagtabon sang bibig kun mag-ubo ukon magpangatsi.
