ILOILO CITY PROPER– Dakup sa drug buy bust operation ang isa ka menor de edad nga lalaki sa Brgy. President Roxas, Iloilo City Proper Iloilo City.
Ang drug buy bust operation ang ginpangunahan sang Iloilo City Police Station 1.
Ang arestado amo si ‘Alyas Marmar’, 16 anyos kag residente sang Bo.Obrero, Lapuz Iloilo City.
Narekober sa posisyon sang natungdan ang lima ka sachet sang suspected shabu kag P600 nga buy bust money kag iban pa nga mga drug paraphernalia.
Ginpanginwala naman ni ‘Alyas Marmar’ nga siya ang nagapanag iya sang nasambit nga mga recoveries.
Suno sa iya nag upod lang siya sa iya nga barkada kag gin-athag nga wala siya sang kalibtanan sa mga na ilegal nga aktibidad.
Sa ulihi, gin ako man sini nga sa iya bulsa nakuha ang mga drug paraphernalia.
