Na-rescue sang mga katapo sang Task Force on Morals and Values Formation ang isa ka menor de edad nga dalagita nga nagcheck-in sa isa ka beach resort sa Arevalo, Iloilo City kadungan sang Valentine’s day kahapon.
Suno kay task force head Nestor Canong, yara sa sulod sang kwarto sang resort ang dalagita sang ginkadtuan sang tag-iya kag ginpamangkot kag nag-ako man ini angot sa iya edad.
Gin-turnover ini sa mga social workers antes ginbalik sa iya ginikanan.
Gin-ako naman sang personnel sang resort nga wala nila na-monitor ang mga nagasulod nga customers rason nga nakasulod ang dalagita.
Natalana naman nga pasabton ang tagdumalahan bangud sa paglapas sa ordinansa angot sa pagdumili sa mga minors nga magsulod sa kaangay nga mga accommodation establishments.
