LEON, ILOILO – Patay ang menor-de-edad nga solterito matapos aksidente nga natirohan sang 19-anyos nga lalaki sa Leon, Iloilo.
Sa interview sang Bombo Radyo kay Police Captain Felix Perez, Officer-in-Charge sang Leon Municipal Police Station, iya ginpahayag nga antes natabo ang insidente, nag-inum ang menor-de-edad upod si John Leogen Caman kag isa pa ka abyan sa balay ni Principal George Callanga.
Suno kay Perez, ginapahayag nga ginkuha sang menor de edad kag ni Caman ang liyabe sang kwarto sang principal kag ginhampangan ang pusil.
Ginpahayag ni Perez nga aksidente nga naglupok ang pusil samtang gina-uyatan ni Caman kag naigo ang menor de edad sa wala nga paa.
Gindala pa sa hospital ang menor de edad apang wala na natabangan.
Nakuha naman ang .40 caliber pistol kag ginpreso si Caman apang nagpaareglo ang pamilya sang biktima.
Wala si Callanga sa iya nga balay sang natabo ang insidente.
Nahibalu-an nga si Caman ang yara naga-istar sa balay sang Principal.
