Pilason ang 16-anyos nga indibidwal matapos nga madalasa sang motorsiklo sa Barangay Baguingin Lanot, Alimodian, Iloilo.
Ang driver amo si alyas “Jhong”, 26-anyos, residente sang Brgy. Tugaslon, Alimodian, Iloilo.
Ang biktima amo si alyas “Krizelle”, 16-anyos, residente sang Brgy. Sta. Clara, Oton, Iloilo.
Sa interview sang Bombo Radyo kay Police Lieutenant Rolly Sorongon, Deputy Chief sang Alimodian Municipal Police Station, iya ginpahayag nga sang nagtabok ang biktima kaupod ang iya live in partner, gulpiyada ini nabunggo-an sang motor.
Suno kay Sorongon, yara sa pedestrian lane ang duha sang ini ang nagtabok sa karsada.
Ginpahayag man sini nga ang driver sang motorsiklo ang nakaiom sang makahulubog nga ilimnon.
Nag-areglohanay naman ang pamilya sang biktima kag ang kampo sang driver, kon sa diin, sabton sang driver ang tanan nga galastuhon sang biktima sa ospital.
