STA BARBARA ILOILO -Puno sang inspirasyon ang nangin mensahe sang Police Regional Office (PRO) 6 Deputy Regional Director for Administration (DRDA) sa ginhiwat nga 121st Independence Day celebration sa Banwa sang Sta. Barbara.
Sa nangin speech ni DRDA head Police Brigadier General Jesus Cambay, iya ginpahayag nga wala nausik ang paghalad sang kabuhi sang mga baganihan bangud sa subong gina-enoy sang tanan ang kahiwalyan sa patag sang civil kag political nga kinamatarung.
Agud mapabilin ang kahilwayan nga ginsakripusyuhan sang mga baganihan nagakadapat suno kay Cambay nga respetuhon sang tagsa ka Pilipino ang isa kag isa, himuon ang mga makabig basic duties ang isa ka Pilipino kaangay sang pagsunod sa layi sang trapiko, paghimo sa kun ano ang nagakadapat sa pagserbe sa pungsod.
Dugang pa ni Cambay nga kun ginahimo sang tagsa-tagsa ang ila mga basic duties ini ang makabig nga akto sang pagpabilin kag pagpromote sang legasiya nga ginbilin sang mga baganihan sang pungsod.
