Ginpasiguro ni Presidente Ferdinand Marcos Jr. nga yara sa maayo nga kahimtangan ang iya nga mental well-being.
Ini sa pihak sang mabug-at niya nga katungdanan bilang presidente.
Suno sa Presidente, nakabulig ang madugay niya nga pagpanilag sa iya amay nga si anay Presidente Ferdinand Marcos Sr. para mahangpan ang responsibilidad.
Ginsiling sang Presidente nga importante ang pagpahuway agud mapabilin nga maathag kag epektibo ang paminsaron.
Ginpahayag man sini nga nagaserbe nga motibasyon sa iya nga pagpamuno amo ang handom nga mag-alagad kag indi ang personal nga interes.
