Nagahilibion ang football superstar nga si Lionel Messi sang ginkumpirma ang iya pagbiya sa iya boyhood team nga FC Barcelona.
Antes ang kumpirmasyon halin sa nasambit nga 34 anyos nga Argentine footballer, may mga naglapta na nga impormasyon nga ginatanyagan siya sang duha ka tuig nga contract sa French club nga Paris St Germain.
Sa pagsulod pa lang sa hulot kun sa diin ginpatigayon ang press conference, emosyonal na si Messi. 21 ka tuig nga nagtinir si Messi sa Barcelona Club kun sa diin iya ang nangin all-time leading goalscorer.
Nagdaug siya sang madamo nga collective kag individual awards, lakip na ang four Champions League titles kag 10 ka La Liga titles.
“I gave my all for this club for this shirt, from the first day I arrived to the last. And the truth is that I am more than satisfied. I would have liked to say goodbye in a different way. I never imagined my farewell this way,” pahayag ni Messi.
Apisar wala ginkumpirma ni Messi kun magaupod na siya sa Parisians, ginpahayag niya nga posibilidad ini, kag luyag pa niya nga maghampang agud makadaug pa sang dugang nga Champions League trophy.
“As long as I go on being competitive and as long as my body responds (I’ll carry on playing). As long as I can, I will carry on competing.”
Ang nasambit nga Argentinian superstar nga isa man ka six-time Ballon d’Or winner ang nagtapos na sang iya nga kontrata sang katapusan sang bulan sang Hunyo.
“This is the toughest moment of my career. When the club told me, I just froze. This is all like a bucket of cold water has been poured over me and we are still coming to terms with it. When I get home, I’m sure it’ll be even worse. But I’ll be surrounded by my loved ones and I’ll carry on playing football, and when I do so, I’m sure it’ll become a bit easier.”
