ILOILO CITY – Nagdepensa ang Metro Iloilo Pacific Water kun ngaa nga apisar maulanon ang tyempo, magamay lang ang suplay sang tubig ukon may yara sang tion nga naga-untat ang suplay sang tubig.
Sa interview sang Bombo Radyo kay John Evaristo Cañonero, Commercial Division Head sang Metro Iloilo Pacific Water, iya ginpahayag nga ang ulan kag baha ang nagapadugay sang proseso halin sa ibabaw.
Ini bangud man sang lay-on nga dala sang tubig.
Suno kay Cañonero, bangud sini, ang pressure kag ang availability sang tubig ang naganubo.
Gindula naman niya ang kahangawa sa publiko sa posible nga pagnubo sang suplay sang tubig sa mga panimalay.
