Gin-ako sang Metro Pacific Iloilo Water (MPIW) nga nagakapierde sila sang minilyon ka litro sang tubig tagsa ka adlaw bangud sa non-revenue water.
Sa interview sang Bombo Radyo kay Angelo Berba, Chief Operating Officer sang Metro Pacific Iloilo Water, iya ginpahayag nga nagakapierde sila sang 30 to 35 million liters per day bangud man sang ila non-revenue water ang yara sa 40%-45%.
Nagalaum naman ang talatapan nga maka-recover sang 10 to 15 million liters per day sa masunod nga tuig sa bulig man sang ila pila ka mga proyekto sa syudad.
Ginpahayag man sang natungdan nga sa subong, yara lang sa 80 million liter per day ang supply nga ila mahatag sa Iloilo City.
Suno kay Berba, pag-abot sa first quarter sang tuig 2027, amo na ini nga tion agud nga i-energize ang desalination plant sang kompanya nga makahimo dugang 50 to 65 million liters per day nga supply.
