Nasolusyunan na gid man sang Metro Pacific Iloilo Water ang ginreklamo nga mabaho kag malubog nga tubig nga ginasuplay sa D.B. Ledesma St., Jaro, Iloilo City.
Matandaan nga sang nagligad nga adlaw, mismo si former Environmental Management Bureau (EMB) Region VI director Ariel Gloria ang nagpa-Bombo bangud apat na ka adlaw nga wala sila nagagamit sang tubig nga gina-distribute sang Metro Pacific Iloilo Water bangud indi gid maagwantahan.
Sa interview sang Bombo Radyo kay Gloria, iya ginpahayag nga matapos ang complaint, nag-abot ang mga personnel sang water distribution utility kag may gin-repair.
May ginpasalig man suno sa natungdan nga i-locate kun sa diin ang possible leaks ukon ang daan nga pipelines nga nagatuga sang disorder sa suplay sang tubig sa syudad.
Nagpangayo man sang pasaylo ang Metro Pacific Iloilo Water suno kay Gloria. ##
